各位老友記、街坊鄰里

注意啦

2026年10月12日

重建後嘅新皇崗口岸正式開通喇！

新口岸實施「一地兩檢」

同「合作查驗、一次放行」嘅全新通關模式

以後過關唔使再排兩次隊、驗兩次證

返深圳睇醫生、飲茶、行街

真係話咁易！

為咗方便各位市民朋友到港大深圳醫院睇醫生

我哋特登整理咗一份最新、最齊嘅交通攻略

三種出行方式任你揀

總有一款啱你！

01🚇搭地鐵——約40分鐘

想慳錢又唔趕時間？搭地鐵係唔錯嘅選擇。

✌️步驟好簡單：

①皇崗口岸過關後，前往B2層（負二樓） ；

②入深圳地鐵7號線（深大西麗方向） ，站點係皇崗口岸站；

③搭到車公廟站落車，換乘9號線（前灣方向） ；

④到深圳灣公園站D1出口出站，行約400米就到達港大深圳醫院門診大樓。

小tip：年滿60歲嘅老友記，憑有效證件（港澳台居民居住證或者頤年卡），普通車廂免費搭，夠晒方便！

02🚕 搭的士——約20分鐘

趕時間、唔想轉車？的士係最直接嘅選擇。

● 由皇崗口岸出發，距離醫院約11公里；

● 車程約20分鐘直達醫院；

● 上車點：皇崗口岸入境大廳出嚟嘅的士排隊區等候。

03🚌 搭巴士——約60分鐘

想沿路睇吓風景，又唔趕時間嘅朋友，巴士都係一個好選擇。

步驟如下：

皇崗口岸過關後，前往B1層（負一樓）；

❶ 喺皇崗口岸公交站搭M169到聯合廣場站（紫薇閣總站方向）；

❷ 同站換乘M463 / 339（樂尚林居公交首末站方向），或同站換乘229（南頭火車西站方向）；

❸ 坐到深圳灣公園地鐵站（公交站），下車步行約800米到達港大深圳醫院門診大樓。

小tip：同樣，年滿60歲嘅老友，記憑有效證件（包括港澳台居民居住證或者頤年卡）免費搭車。

可保存或收藏以下海報

▼

新皇崗口岸開通

唔單止係深港兩地交通嘅一大進步

更加係兩地居民生活融合嘅一個重要里程碑

各位老友記

記得收藏呢篇攻略

下次睇醫生就唔使擔心唔識路啦！

快啲share俾身邊有需要嘅朋友啦～